Ամերիկացի աստղագետները «Հաբլ» աստղադիտակի օգնությամբ ստացել են կենտրոնում երկնագույն գազի թելերով IC 4870 գաճաճ գալակտիկայի լուսանկարները, հայտնում է «ՌԻԱ Նովոստի»-ն՝ վկայակոչելով NASA-ի մամուլի ծառայությունը:
IC 4870 գալակտիկան գտնվում է Սիրամարգի համաստեղությունում՝ Երկրից 28 միլիոն լուսային տարի հեռավորության վրա: Այն ակտիվ գալակտիկական միջուկ ունի, որն այնքան ուժեղ է լուսավորում դրա կենտրոնական հատվածը, որը կարող է մի ամբողջ գալակտիկա խավարեցնել:
IC 4870 պատկանում է Սեյֆերտի գալակտիկաների տեսակին, որոնց գազի ուժեղ արտանետումների մասին վկայող էմիսիոն գծեր են բնորոշ: Այդ արտանետումների արագությունը կարող է հասնել մի քանի հազար կիլոմետրի մեկ վայրկյանում: Ընդհանուր առմամբ, դրանք կազմում են տեսանելի պարույրային գալակտիկաների մոտավորապես մի տոկոսը: