Պետական վերահսկողական ծառայությունը աուդիտ է անցկացնում Սփյուռքի նախարարությունում: Այս մասին NEWS.am-ի հետ զրույցում նշեց Սփյուռքի նախարարության մամուլի խոսնակ Նունե Այլանջյանը:
«Մանրամասներ դեռևս չկան: Կարծում եմ՝ հաջորդ շաբաթվա ընթացքում ամեն ինչ պարզ կդառնա»,-ասաց նա:
Հիշեցնենք, որ Սփյուռքի նախարար Մխիթար Հայրապետյանը ավելի վաղ հայտարարել էր, որ նախարարության աշխատանքում, մասնավորապես` «Արի տուն» ծրագրի իրականացման գործընթացում չարաշահումներ է նկատել: