Էջմիածնում այսօր՝ հունիսի 16-ին վաղ առավոտից ցույցեր են սկսվել քաղաքապետ Կարեն Գրիգորյանի հրաժարականի պահանջով:

NEWS.am-ի թղթակիցն Էջմիածնից հաղորդում է, որ ցուցարարները քաղաքի կենտրոնական փողոցներն աղբամաններով եւ ծառերի ճյուղերով փակել են եւ բողոքի ակցիաներ են իրականացնում: Ըստ շրջանառվող լուրերի՝ Մանվել Գրիգորյանի որդու դեմ բողոքի ցույցերի նախաձեռնողը Դոն Պիպոն է: Նա քիչ առաջ բերման է ենթարկվել: 

Այսօր ժամը 17:00-ին էլ նախատեսված է Կարեն Գրիգորյանի համախոհների բողոքի ակցիան:

Հիշեցնենք, որ ավելի վաղ ԱԱԾ մամուլի խոսնակ Սամսոն Գալստյանը NEWS.am-ի հետ զրույցում հաստատել էր, որ ԱԱԾ-ն գործողություններ է իրականացնում Էջմիածնում, այդ թվում՝ ՀՀԿ-ական պատգամավոր, գեներալ Մանվել Գրիգորյանի առանձնատանը: Մեր տեղեկություններով՝ հատուկ գործողություններ են իրականացվում նաեւ քրեական հեղինակություն Դոն Պիպոյի՝ Արթուր Ասատրյանի առանձնատանը: