Իրավապահ մարմինները փորձում են ընդգծել պատգամավոր, «Երկրապահ» կամավորական միության նախագահ Մանվել Գրիգորյանին մեղսագրվող արարքի հուզական կողմը: Այս մասին հունիսի 19-ին հրավիրված մամուլի ասուլիսի ժամանակ հայտարարեց փաստաբան Արսեն Մկրտչյանը:
Այս համատեքստում փաստաբանն ուշադրությունը հրավիրեց Գրիգորյանին պատկանող տանը եւ հանգստի գոտիներում հայտնաբերված իրերում եւ կապոցներում աշակերտների նամակների կրկնվող հիշատակման վրա: Փաստաբանը նաեւ ընդգծեց, որ այսօր Ազգային ժողովում Մանվել Գրիգորյանի ձերբակալման հարցով քվեարկելու են պատգամավորներ, որոնք երաշխավորում են տվել այլ անձանց համար, որոնք դատվել կամ ձերբակալվել են նույն հոդվածով (զենքի ապօրինի շրջանառություն), եւ նրանց ջանքերի շնորհիվ ազատության մեջ են Սամվել Բաբայանը, Ժիրայր Սեֆիլյանը, որոնք նախորդ իշխանությունների հակառակորդներն են համարվում:
