News
Լրահոս
News
Շաբաթ
Փետրվար 16
Տեսնել լրահոսը

ԱՄՆ կառավարությունը եւ միջազգային հանրությունը պետք է օգնեն ՀՀ վարչապետ Նիկոլ Փաշինյանին կոռուպցիայի դեմ պայքարի իր ծրագիրն իրականացնելու գործում եւ թույլ չտան, որպեսզի նախկին կառավարությունն ապակայունացնի նորը: Այս մասին The Hill թերթում հրապարակված հոդվածում այս մասին գրել է Open Society Policy Center-ում Եվրոպայի եւ Եվրասիայի քաղաքականության հարցերով խորհրդական, վերլուծաբան Ալեք Ջոնսոնը:

Ըստ նրա՝ կան որոշ ազդակներ, որոնք ցույց են տալիս, որ ԱՄՆ-ն ուշադրություն են դարձրել Հայաստանին: Մասնավորապես, նա հայտնում է կոնգրեսականների՝ Մայք Պոմպեոյին ուղղված նամակի մասին, որում վերջիններս կոչ են անում մեծացնել Հայաստանին տրամադրվող օգնությունը: «Միացյալ Նահանգներին հարկավոր է միջամտել՝ թույլ չտալու համար, որպեսզի Ռուսաստանն իր ձեռքն առնի նորաստեղծ ժողովրդավարական շարժումը», - գրում է նա:

Վերլուծաբանի խոսքով՝  արագ աջակցությունը Հայաստանին երկրին հնարավորություն կտա ուժեղացնել կառավարությունը եւ բարելավել տնտեսությունը, ինչն իր հարեւաններից շատերը, հատկապես՝ Ուկրաինան եւ Վրաստանը, չկարողացան անել գունավոր հեղափոխություններից հետո: Նա ընդգծում է, որ ԱՄՆ-ն իր արտաքին քաղաքականությունում մի քանի գործիք ունի: Ժողովրդավարության ազգային հիմնադրամն (National Endowment for Democracy)  արդեն Հայաստանին տարեկան 1.3 մլն դոլար է հատկացնում ժողովրդավարության զարգացման համար, եւ, ըստ Ջոնսոնի, ներդրումները պետք է ավելացվեն:

Բացի այդ, հեղինակը գտնում է, որ ԱՄՆ կառավարությունը պետք է համերաշխություն ցուցաբերի Հայաստանի հետ հայտարարությունների եւ ԵԱՀԿ-ի նման հարթակներում հանդիպումների միջոցով: «Աջակցության մեխանիզմների ցանկացած քանակություն կարող է նաեւ անհրաժեշտ ճշգրտումներ տալ ընտրական օրենսգրքում՝ ժողովրդի կամքն արտահայտող օրինական խորհրդարանական ընտրությունների ապահովման համար»,- գրում է հեղինակը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱԳ նախարար Մնացականյանը եւ սենատոր Մենենդեսը կարեւորել են ազգային եւ կրոնական փոքրամասնությունների պաշտպանությունը
Զրուցակիցները մտքեր փոխանակեցին տարածաշրջանային և միջազգային կարևորության մի շարք խնդիրների շուրջ...
ԱՄՆ-ը կարող է օգնել Հայաստան վերադարձնել ապօրինի ձեռքբերված գումարները. քննարկում Վաշինգտոնում
Շատ բան այստեղ կախված է իրենց ժողովուրդը ներկայացնող իշխանություններից, քանի որ դրա համար բոլոր գործիքներն առկա են...
PFP-ն հնարավորություն է ընձեռում երիտասարդ մասնագետներին փորձ ձեռք բերելու ԱՄՆ-ի կառավարական մարմիններում
Ծրագրին մասնակցելու համար դիմորդները պետք է մինչեւ 2019թ. ապրիլի 1-ը ներկայացնեն առցանց դիմում...
ՀՀ ԶՈՒ կազմավորման 27-րդ տարեդարձը նշվել է ԱՄՆ կենտրոնական հրամանատարությունում
Հայաստանը մասնակցում է ԱՄՆ կենտրոնական հրամանատարության պատասխանատվության գոտում գտնվող երկու երկրներում…
Հայաստանում ԱՄՆ դեսպանը հանդիպել է Ամերիկայի Հայ Դատի հանձնախմբի ներկայացուցիչների հետ
Ամերիկայի Հայ Դատի հանձնախմբի (ANCA) ներկայացուցիչները հանդիպել են Հայաստանում ԱՄՆ նոր դեսպան․․․
Ինձ ճիշտ հասկացեք՝ կոռեկտ չի ասել՝ ինքն էսպես ասաց, ես էսպես ասացի. Փաշինյանը՝ Բոլթոնի հետ հեռախոսազրույցի մասին
Այդ հարցը գտնվում է ԱԳ նախարարների քննարկման օրակարգում. Փաշինյանը՝ արցախյան գործընթացին նոր թափ հաղորդելու մասին...
Ամենաշատ