Եվրոպական երկրները մտահոգություն են հայտնում իրանական բալիստիկ հրթիռների ծրագրի կապակցությամբ եւ կոչ են անում լուծել Իրանի «ագրեսիվ միտումները» Մերձավոր Արեւելքում: Հորդանանի թագավոր Աբդալլահի հետ Ամանում կայացած հանդիպումից հետո այս մասին հայտարարել է Գերմանիայի կանցլեր Անգելա Մերկելը, հաղորդում է Reuters-ը:
Նրա խոսքով՝ Իրանի ագրեսիվ միտումները պետք է ոչ միայն քննարկել, այլեւ հրատապ լուծել: Նա նշել է, որ, թեեւ եվրոպական երկրները աջակցում են Իրանի միջուկային համաձայնագրին, իրենք կիսում են մտահոգություններն Իրանի բալիստիկ հրթիռների ծրագրի, Սիրիայում նրա ներկայության եւ Եմենի պատերազմում դերի կապակցությամբ:
