News
Լրահոս
News
Ուրբաթ
Հուլիս 20
Տեսնել լրահոսը

Beeline-ը և Տեխնոլոգիական Զարգացման Կենտրոն հիմնադրամը հայտարարում են հայկական ստարտափների տեղեկատվական աջակցության ՍտարտՀաբ նախագծի Օֆլայն՝ հարթակի մեկնարկի մասին։ ՍտարտՀաբ Օֆլայնը միջոցառումների շարք է, որի ընթացքում ստարտափների ներկայացուցիչները հնարավորություն կունենան հանդիպելու և քննարկումներ անցակացնելու ՏՏ ոլորտի առաջատարների հետ։

Շարքի առաջին հանդիպման խորագիրն է՝ «Ստարտափները Հայաստանում. հիմնախնդիրներ և զարգացման ուղղություններ»։ Մեկնարկային հանդիպման խոսնակներն են. Անդրեյ Պյատախինը՝ Beeline, Արտաշետ Վարդանյանը՝ Մայքրոսոֆթ Ինովացիոն Կենտրոն Հայաստան, Վահան Քերոբյանը՝ «Մենյու գրուպ», Գևորգ Բալյանը՝ «Յուքրաֆթ»:

Հանդիպման ընթացքում խոսնակները հյուրերի հետ կիսվել են Հայաստանում տեխնոլոգիական սկսնակ ընկերությունների աջակցության և զարգացման իրենց տեսլականներով, խոսել են Հայաստանի ՏՏ ոլորտի առավելությունների և թերությունների մասին:

«Այսօր մենք գործարկում ենք ՍտարտՀաբ Օֆլայն հարթակը, որը կիրականացվի պարբերաբար կազմակերպվող հանդիպում-քննարկումների միջոցով։ Ստարտափների հաջողության հասնելու ճանապարհին կարևոր է ոչ միայն գիտելիքների ձեռքբերումը, այլ նաև ՏՏ առաջնորդների փորձի փոխանցումը, ինչի նպատակն էլ ունի ՍտարտՀաբ Օֆլայնը», - նշեց Տեխնոլոգիական Զարգացման Կենտրոն Հիմնադրամի Խորհրդի Նախագահ Սամվել Չախալյանը։

«Աջակցությունը ստարտափներին Beeline-ի գործունեության մեջ զգալի մաս է կազմում, և մենք փորձում ենք այդ հարցում բազմակողմանի մոտեցում ցուցաբերել։ Ունենալով մեր սեփական ինկուբատորը՝ մենք կարևորում ենք նաև բոլոր ստարտափներին օգտակար և լիարժեք տեղեկատվության տրամադրումը։ Վստահ եմ, որ այս հանդիպման շնորհիվ մենք կկարողանանք միավորել ուժերը և հստակ պատկերացում կազմել ապագա անելիքների մասին», - նշեց Հայաստանում Beeline-ի Գլխավոր տնօրեն Անդրեյ Պյատախինը։

Հավելենք նաև, որ հուլիսին նախատեսվում է ՍտարտՀաբ Օնլայն հարթակի գործարկումը, որն իրենից ներկայացնում է տեղեկատվական-ուսումնական կայք, որտեղ կհրապարակվեն ստարտափների առաջխաղացման ուղեցույցներ, կներկայացվեն ստարտափներին աջակցող հայկական կազմակերպությունները և լայնորեն կլուսաբանվի հայկական ստարտափների գործունեությունը։

Տպել
Կարդացեք նաև
Ամբողջը
Չինաստանը կսկսի գերարագ վակուումային փոխադրումների ուղիների ստեղծումը
Ուղեւորների եւ բեռների գերարագ տեղափոխության նոր տեսակը Չինաստանի իշխանություններին թույլ կտա լուծել շատ կենսական հարցեր…
Instagram-ը հետեւորդներին ջնջելու նոր հնարավորություններ է փորձարկում
Այժմ նրանցից կպահանջվի ընդամենը սեղմել «Ջնջել հետեւորդին» կոճակը, ընդ որում հակառակ կողմը այս մասին չի իմանա․․․
iPhone-ը մարդկանց ավելի գրավիչ է դարձնո՞ւմ հակառակ սեռի համար
Պարզվել է, որ iPhone-ի օգտատերերը ավելի գրավիչ են համարվում, քան Android-ի օգտատերերը․․․
Google-ը կարող է Android օպերացիոն համակարգը վճարովի դարձնել
Google-ի ղեկավար Սունդար Պիչայը նշում է, որ Android-ը չի մենաշնորհել շուկան, այլ այն ավելի բազմազան է դարձրել․․․
Թրամփը վրդովված է Google-ի նկատմամբ ԵՄ-ի կողմից սահմանված ռեկորդային տուգանքից
Նրանք շահույթ են ստանում ԱՄՆ-ից, բայց ոչ երկար ժամանակով․․․
Հայ գիտնականները մասնակցել են բարձր էներգիաների նեյտրինոների ճառագայթման աղբյուրի բացահայտման աշխատանքներին
Խմբի կազմում ընդգրկված են Հայաստանի ԳԱԱ ԻԿՐԱՆԵՏ կենտրոն միջազգային կազմակերպության գիտնակաները …
Ամենաշատ
Partner news