Հայաստանի կառավարությունը պետք է պարզի, թե ինչպես են անարդյունավետ հակակարտային սարքավորումները, որոնք բութանով են աշխատում, հայտնվել հանրապետությունում, ու ով է զբաղվում այդ բիզնեսով։ Այս մասին հունիսի 23-ին լրագրողների հետ հանդիպման ժամանակ հայտնել է Հայաստանի Ագրարային- գոյւղացիական միության ղեկավար Հրաչյա Բերբերյանը։
Նա կասկած է հայտնել, որ հակակարկտային սարքավորումները փողերի լվացման միջոց են։ «Զարմանալի է, որ Հայաստանի կառավարությունը շարունակում է ֆինանսավորել այդ չարաբաստիկ հակակարկտային կայանները, որոնք բութանով են աշխատում։ 15 տարվա ընթացքում մենք բոլորս կարծես հասկացանք, որ դրանք արդյունավետ չեն ու գյուղատնտեսական սուբյեկտներին պետք չեն։ Ձեզ պահեք այդ սարքավորումները»,- վրդովված նշել է Բերբերյանը։
Նրա կարծիքով՝ հակակարտային հրթիռները ավելի շատ են օգուտ տալիս, քան հակակարկտային սարքավորումները քանի որ ապահովում են 70 տոկոսանոց արդյունավետություն, բայց դրանց կիրառումը Հայաստանում փորձարկումից այն կողմ չի անցել։ «Հակակարկտային սարքավորումների ֆինանսավորումը պետք է դադարեցվի։ Դրանք չեն փրկում բերքը։ Արագած, Լեռնամերձ, Աղավնատուն գոյւղերում կարկուտը ոչնչացրել է ամբողջ բերքը, չնայած այնտեղ տեղադրված են եղել երկու հակակարկտային սարքավորումներ»,- ամփոփել է ՀԿ-ի ղեկավարը։
