Հայաստանում ֆերմերներին աջակցելու մեխանիզմը պետք է վերանայվի: Նման կարծիքը հունիսի 25-ին «Ազատություն» ռադիոկայանի ֆեյսբուքյան մամուլի ասուլիսի ժամանակ ասել է Հայաստանի Հանրապետության գյուղատնտեսության նախարար Արթուր Խաչատրյանը՝ անդրադառնալով Քննչական կոմիտեի վերջին հայտարարություններին՝ սուբսիդավորման ծրագրի շրջանակներում պարարտանյութերի, սերմերի եւ դիզելային վառելիքի բաշխման մեջ չարաշահումների փաստերի վերաբերյալ:
Նախարարը նշել է, որ գերատեսչությունը պարբերաբար նման ազդակներ է ստանում, եւ այս հետաքննությունը ցույց է տալիս, որ անհրաժեշտ է անհապաղ փոխել ֆերմերներին աջակցելու մեխանիզմը:
Չարաշահումներն իրականացվել են հետեւյալ կերպ. Ֆերմերը, որը պետք է սուբսիդավորված գնով օգնություն ստանար, չի ստացել այն կամ իր փոխարեն օգնությունը ստացել է մեկ այլ ֆերմեր:
«Օգնության տրամադրման կարգն այժմ ասպիսին է. մարզային վարչությունները համայնքներից տեղեկություն են ստանում այն մասին, թե ում, որտեղ եւ որքան պարարտանյութ, սերմեր կամ դիզվառելիք է անհրաժեշտ, իսկ վարչությունն այդ տեղեկատվության հիման վրա ապա այդ ցուցակը ուղարկվում են Գյուղատնտեսության նախարարություն, եւ այդ տեղեկատվության հիման վրա մրցույթ է հայտարարում, ընտրում է մատակարարներին եւ տրամադրում է նրանց ստացված ցուցակները»,- բացատրել է նախարարը:
Այստեղ, նախարարի խոսքով, խնդիրը կայանում է վերահսկման մեջ, որը սահմանափակվում է նրանով, որ գյուղատնտեսության նախարարությունը ընտրովի ստուգումներ է անցկացնում, օրինակ, այս կամ այն ֆերմերը ստացել է արդյո՞ք սերմերը կամ եթե ստացել է՝ արդյոք վճարել է: «Եթե պարզվում է, որ անձն օգնություն չի ստացել կամ ստացել է, բայց չի վճարել դրա համար, գործը ուղարկվում էր դատախազություն»,- նշել է Արթուր Խաչատրյանը: