Եվրոպական միությունը մուտքի արգելանք է դրել եւ սառեցրել վենեսուելական 11 բարձրաստիճան պաշտոնյաների, այդ թվում` նոր փոխնախագահ Դելսի Ռոդրիգեսի ակտիվները, փոխանցում է AP–ն։
ԵՄ հայտարարության համաձայն, այդ մարդիկ «պատասխանատվություն են կրում Վենեսուելայում մարդու իրավունքների խախտումների եւ ժողովրդավարության ու օրենքի գերակայության խաթարման համար»։ Ցուցակում ներառվել են նաեւ բանակի հրամանատարներ եւ Վենեսուելայի ռազմական հետախուզության գլխավոր սպան։
ԵՄ–ն հայտարարում է, որ այս միջոցառումները կոչված են նպաստել ճգնաժամի ժողովրդավարական լուծմանը, խրախուսել քաղաքական կայունությանը եւ լուծել վենեսուելական ժողովրդի կենսական կարիքները:
