ԱԺ «Ծառուկյան» խմբակցության պատգամավորներ Վահե Էնֆիաջյանը եւ Գեւորգ Պետրոսյանը անձնական երաշխավորություն են ներկայացրել «Սասնա ծռերի» անդամ Վարդգես Գեւորգյանի համար:
Պատգամավոր Վահե Էնֆիաջյանն ու Գեւորգ Պետրոսյանը երաշխավորել են, որ Վարդգես Գեւորգյանը, գտնվելով ազատության մեջ, կդրսեւորի պատշաճ վարքագիծ, չի խուսափի իր դատավարական պարտականությունները պատշաճ կատարելուց, քրեական վարույթն իրականացնող մարմնի կանչով ներկայանալուց:
Պատգամավորներն անձամբ են ներկայացել դատարան:
Ավելի վաղ դատարանը մերժել էր Վարդգես Գեւորգյանին կալանքից ազատ արձակելու եւ նրա նկատմամբ ստորագրությունը որպես խափանման միջոց ընտրելու վերաբերյալ միջնորդությունը:
Նշենք, որ Արտուշ Գաբրիելյանը քննում է «Սասնա ծռեր» խմբի անդամներ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գեւորգյանի, Կարո Եղնուկյանի եւ Խաչատուր Գիչյանի առանձնացված մասով գործը:
