Քալիֆորնիա նահանգի Սանտա Բարբարա քաղաքի Գոլետա քաղաքի մոտակայքում բռնկված հրդեհի պատճառով առնվազն 3 հազար 200 մարդ է տարհանվել, հաղորդում է ՌԻԱ Նովոստին` հղում կատարելով Santa Barbara Independent-ին:
Թերթի տվյալներով, հրդեհը շրջանի տարածքում բռնկվել է բարձր ջերմաստիճանի եւ քամու ուժգնացման պատճառով: Այն տարածվել է 25-30 հեկտարի վրա, հրշեջները հասցրել են տեղայնացնել հրդեհի 5 տոկոսը: Մոտ 20 շենքեր ավերվել են, այդ թվում տներ, սարայներ, եւ շինություններ: Տեղում 350 հրշեջ եւ չորս ուղղաթիռ է աշխատում:
Ինչպես հաղորդում է թերթը, ժամը 1.00-ի սահմաններում շրջանի արտակարգ իրավիճակների փրկարարական ծառայությունը արտակարգ դրության ռեժիմ է մտցրել: Տեղեկացվում է նաեւ, որ այս պահին տուժղներ չկան:
