ՄԱԿ Գլխավոր ասամբլեան ուրբաթ՝ հուլիսի 13-ին, համաձայնեցրել է միգրացիայի մասին գլոբալ պայմանագիրը, փոխանցում է DW-ն:
Սպասվում է, որ այն կստորագրեն 192 պետությունների ղեկավարները: ՄԱԿ միակ անդամ երկիրը, որ հրաժարվում է դա անել, ԱՄՆ-ն է:
2016 թվականին ՄԱԿ 193 երկրներ Նյույորքյան հռչակագրով պայմանավորվել էին, որ 2018-ին կընդունեն միգրացիայի մասին երկու գլոբալ պայմանագիր: Սակայն 2017 թվականին ԱՄՆ նոր նախագահ Դոնալդ Թրամփի իշխանության գալուց հետո Վաշինգթոնը հրաժարվել էր նախագծին մասնակցելուց՝ հայտարարելով, որ փաստաթղթի դրույթները չեն համապատասխանում միգրացիայի եւ փախստականների ոլորտում ԱՄՆ քաղաքականությանը, ինչպես նաեւ Թրամփի վարչակազմի սկզբունքներին:
Հիմա պայմանագրին մասնակցելուց հրաժարվելու բանավեճեր են ընթանում նաեւ Հունգարիայի կառավարությունում, հայտնում է Reuters-ը:
Սպասվում է, որ այս փաստաթուղթը կստորագրվի 2018 թվականի դեկտեմբերին Մարոկկոյում:
Round of applause and solidarity as @UN and Member States celebrate historical achievement in the finalization of the Global Compact for #Migration in New York. https://t.co/zOZvSOJcIp pic.twitter.com/VUDvcheiMr
— IOM Office UN (NY) (@IOMatUN) 13 июля 2018 г.
