Հայաստանում տեղի ունեցած հեղափոխական գործընթացներին Բաքվի միջամտության վերաբերյալ Ադրբեջանի նախագահ Իլհամ Ալիեւի հայտարարությունները պարզապես անհեթեթ են: Այս մասին հուլիսի 16-ին լրագրողների հետ հանդիպման ժամանակ ասաց «Մոդուս վիվենդի» հետազոտական կենտրոն տնօրեն Արա Պապյանը:
Փորձագետի խոսքով՝ Ադրբեջանի նախագահը ցանկանում է ցույց տալ, որ Հայաստանի շրջափակման իր քաղաքականությունը եւ տնտեսական խնդիրները, որ երկրում առկա են իր վարած քաղաքականության հետեւանքով, որոշակի հաջողություն են բերել: «Սակայն կարող եմ ասել, որ հայ ժողովրդի հիմնական դժգոհության պատճառը ոչ միայն եւ ոչ այնքան տնտեսական վատ դրությունն էր, որքան իշխող անարդարությունը, կոռուպցիան եւ շատ այլ բաներ»,- պարզաբանեց Պապյանը: Միաժամանակ, քաղաքագետը նշեց, որ Հայաստանը կոռուպցայի դեմ պայքարն ուժեղացնելով՝ կամրապնդի իր ազգային անվտանգությունը, քանի որ բյուջեի դրամական մուտքերը կմեծանան:
