Burberry ապրանքանիշը անցյալ տարի այրել է 28 մլն ֆունտ սթերլինգի հագուստ, աքսեսուարներ եւ պարֆում, որոնք չի հաջողվել վաճառել, փոխանցում է BBC-ն:
Վերջին 5 տարում Burberry-ի ոչնչացրած ապրանքի ընդհանուր արժեքը կազմում է 90 մլն ֆունտ:
Նորաձեւ ապրանքանիշները, ներառյալ Burberry-ն, չվաճառված ապրանքը ոչնչացնում են՝ կանխելու համար դրանց գողությունը կամ էժան վաճառելու փորձերը: Ըստ որում՝ նշվում է, որ ապրանքների այրման գործընթացը էկոլոգիապես մաքուր է եղել:
