Միացյալ Նահանգների նախագահ Դոնալդ Թրամփը հայտարարել է, որ փորձում է բարելավել հարաբերությունները Ռուսաստանի հետ եւ լավ գործարք կնքել, քանի որ ինքը տարբերվում է ԱՄՆ մյուս նախագահներից, հաղորդում է «ՌԻԱ Նովոստի»-ն՝ վկայակոչելով CNBC հեռուստաընկերությունը:
Հուլիսի 16-ին Հելսինկիում տեղի ունեցավ ՌԴ եւ ԱՄՆ նախագահների առաջին լիագումար հանդիպումը: Հանդիպումից հետո առաջնորդները հայտարարել են, որ շահագրգռված են երկու երկրների միջեւ հարաբերությունների բարելավմամբ:
«ԶԼՄ-ներից որոշ հիմարներ ասում էին, թե ինչու ես չկանգնեցի այնտեղ, չնայեցի նրա (Ռուսաստանի Դաշնության նախագահի) դեմքին, չմոտեցա եւ չբղավեցի: մարդիկ ասում են, թե ինչու ես այստեղ չեմ վերադարձել, նայեց նրան Ինքն անձամբ չի եկել եւ բղավեց նրան: Ես ասացի, որ այդ մարդիկ խելագար են: Ես ցանկանում եմ գործարք կնքել, այդպես անել չի կարելի»,- CNBC-ին տված հարցազրույցում ասել է Թրամփը:
«Մենք երկար տարիներ Ռուսաստանի հետ վատ հարաբերությունների մեջ ենք եղել: Գուցե դրա հետ ոչինչ անել հնարավոր չէ, դա շատ հավանական է: Սակայն ես մյուս նախագահների նման չեմ: Ես գործարքներ եմ կնքում, ես դա անում եմ ամբողջ կյանքիս ընթացքում, ես դա լավ եմ անում: Ես հիանալի գործարքներ եմ կնքում»,- ասել է Թրամփը:
