ԱՄՆ եւ ՌԴ նախագահներ Վլադիմիր Պուտինն ու Դոնալդ Թրամփը Հելսինկիում հանդիպման ժամանակ Սիրիայի հարցով որոշակի պայմանավորվածություններ են ձեռք բերել։ Այս մասին հայտարարել է ՌԴ Պաշտպանության վարչության ազգային կենտրոնի պետ, գեներալ-գնդապետ Միխայիլ Միզինցեւը։
Դրանց շրջանակներում ռուսական կողմը պատրաստել եւ ԱՄՆ-ին է ուղարկել փախստականներին իրենց մշտական բնակության վայրեր վերադարձնելու աշխատանքների կազմակերպման առաջարկ, փոխանցում է ՌԲԿ-ն՝ վկայակոչելով ՌԴ ՊՆ մամուլի ծառայությանը։ Միզինցեւի խոսքով, ՌԴ-ն առաջարկել է Սիրիայի ենթակառուցվածքների վերականգնումը ֆինանսավորելու հարցով համատեղ խումբ ստեղծել։
«ՌԴ-ի առաջարկները ներկայումս քննարկվում են ամերիկյան կողմում»,-ասել է գեներալը։
