Շիրակի մարզում մահվան ելքով վթար է տեղի ունեցել: Այսօր՝ հուլիսի 23-ին ժամը 18։00-ի սահմաններում Արթիկ-Գյումրի ավտոճանապարհի Սարալանջ գյուղի վարչական տարածքում բախվել են Jeep Grand Cherokee մակնիշի 58 ՕV 888 համարանիշի եւ ԶԻԼ մակնիշի 14 ԼU 235 համարանիշի ավտոմեքենաները: Այս մասին տեղեկանում ենք shamshyan.com-ից:
Վթարի հետեւանքով 1 մարդ մահացել է, 4-ը՝ տեղափոխվել Արթիկի հիվանդանոց։
Փաստի առիթով հարուցվել է քրեական գործ՝ ՀՀ քր.օր. 242 հոդվածի 2-րդ մասի հատկանիշներով։ Ոստիկանությունը ու քննչական բաժինը պարզում են վարորդների, մահացածի, վիրավորների ինքնությունը։
Աղբյուրի տեղեկություններով՝ Jeep Grand Cherokee-ն հաշվառված է Շիրակի մարզի Փոքր Մանթաշ գյուղի բնակիչ, 44-ամյա Ժիրայր Հակոբյանի անվամբ, իսկ ԶԻԼ-ը՝ Արթիկ քաղաքի բնակիչ, 65-ամյա Արամ Հովսեփյանի անվամբ։ Վերջինն ինքնակամ ոստիկանություն է ներկայացել: