Մենք այժմ աշխատում ենք մեր ատոմակայանի շահագործման ժամկետը երկարաձգելու ուղղությամբ։ Այս մասին «Էխո Մոսկվի» ռադիոկայանի գլխավոր խմբագիր եւ հաղորդավար Ալեքսեյ Վենեդիկտովին տված հարցազրույցում հայտարարել է ՀՀ վարչապետ Նիկոլ Փաշինյանը։
Փաշինյանի խոսքով՝ Հայաստանի համար շատ կարեւոր է ատոմային էներգիա ունենալը. «Մենք հիմա հույս ունենք երկարաձգել մեր ատոմակայանի շահագործման ժամկետը մինչեւ 2040 թվականը, եւ մինչ այդ կփորձենք նոր ատոմային էներգայի կայան կառուցել։ Եվ ես հույս ունեմ, որ ՌԴ–ն մեզ այդ գործընթացում կօգնի։ Քանի որ, ցավոք, այս պահին մենք բավարար ֆինանսական միջոցներ չունենք, որ ինքնուրույն սկսենք այդ գործընթացը։ Բայց եթե ՌԴ մեր գործընկներները օգնեն մեզ, մենք հաճույքով կընդունենք եւ շատ հետաքրքրված ենք այդ թեմայով։ Մենք չենք պատրաստվում փակել մեր ատոմակայանը»։