Մեծ Բրիտանիայի Եղիսաբեթ 2-րդ թագուհուն պատկանած 1950 թվականի արտադրության Rolls-Royce The Phantom IV State Landaulette ավտոմեքենան աճուրդի է հանվել Bonhams-ում ավելի քան 2.6 մլն դոլարով, հաղորդում է ՌԲԿ-ն:
1950-1956 թվականներին ընդամենը 18 նման ավտոմեքենա է արտադրվել: Rolls-Royce The Phantom IV State Landaulette-ը թագավորական ավտոպարկում է եղել եւ օգտագործվել է հատուկ առիթներով: 2011 թվականի ապրիլի 29-ին այն օգտագործվել է արքայազն Ուիլյամի եւ Քեյթ Միդլթոնի հարսանիքի ժամանակ՝ սպասարկելով արքայազն Չարլզին եւ նրա կնոջը:
«Rolls-Royce-ի այդ մոդելները Մեծ Բրիտանիայում անթիվ պատմական իրադարձությունների մասնակիցներն են եղել»,- նշել է Bonhams աճուրդի տան համանախագահ Մալքոլմ Բարբերը:
