ՀՀ ՊՆ Մարդու իրավունքների եւ բարեվարքության կենտրոնի պետ, գնդապետ Ա. Ավետիսյանը օրերս դիտարկման նպատակով այց է կատարել կենտրոնական հավաքակայան եւ Մուրացանի ԿԿԶՀ։
ՊՆ-ից NEWS.am-ին հայտնում են, որ գնդապետ Ավետիսյանը հավաքակայանում ծանոթացել է զորակոչի կազմակերպման գործընթացին, զրուցել զորակոչիկների հետ: Մուրացանի ԿԿԶՀ-ում նույնպես հանդիպել է զորակոչիկների հետ եւ ծանոթացել նրանց առողջական վիճակին։
Բուժանձնակազմի հետ քննարկվել են զինծառայողների գանգատները եւ դրանց լուծման տարբերակները։