Հունիսի կեսին Քյոլնում կալանավորված թունիսցի Զիֆ Ալլահ Խ.-ն կասկածվում է կենսաբանական ռումբի օգտագործմամբ ահաբեկչություն նախապատրաստման մեջ:
DW-ն հաղորդում է, որ իրավապահները չեն մանրամասնել, արդյոք ահաբեկիչը կոնկրետ օբյեկտներում է ցանկացել հարձակում իրականացնել: Դատախազության ներկայացուցչի խոսքով, Դաշնային դատական պալատի քննչական դատավորն ընդլայնել է թունիսցու դեմ մեղադրանքները: Այժմ նրան մեղադրում են պետության դեմ բռնի հանցագործության նախապատրաստման մեջ:
Թունիսդում ձերբակալվել են Քյոլնի ահաբեկչի երկու հնարավոր հանցակիցները: Երկրի ՆԳՆ-ի տվյալներով, մեղադրյալներից մեկը Զիֆ Ալլահ Խ.-ի հետ դավադրություն է կազմակերպել Գերմանիայում եւ Թունսիում միաժամանակ ահաբեկչություններ իրականացնելու համար:
Երկրորդը պետք է Գերմանիայում բնակվող հայրենակցին կեղծ փաստաթղթեր մատակարարեր այլ երկիր տեղափոխվելու համար:
29-ամյա թունիսցի Զիֆ Ալլահ Խ.-ն, որն ըստ մի շարք գերմանական ԶԼՄ-ի, 2016-ին ժամանել է Գերմանիա, դատարանի որոշմամբ հունիսի 13-ին կալանավորվել է:
Նրա բնակարանաի խուզարկության ժամանակ իրավապահ մարմինները տզկանեփի 3150 սերմ են հայտնաբերել, համարյա 84 մգ ռիցին թունավոր նյութ, 250 մետաղական գնդակներ եւ այլն:
Գերմանիայի գլխավոր դատախազ Պիտեր Ֆրանկի հաղորդմամբ այդ նյութերը ցույց են տալիս, որ մեղադրյալը ակնհայտորեն պատրաստվում էր կենսաբանական ռումբ պատրաստել:
