Թուրքական դատարանը 2015 թվականի հոկտեմբերի 10-ին Անկարայում իրականացված կրկնակի ահաբեկչության գործով, որն ավելի քան 100 մարդու կյանք էր խլել, 9 մեղադրյալի ցմահ ազատազրկման է դատապարտել: Այս մասին գրում է ՌԲԿ-ն՝ վկայակոչելով թուրքական NTV-ն:
Ընդհանուր առմամբ, գործով 36 մարդ է անցնում, որոնց մի մասը թաքնվում է արդարադատությունից: Իսկ 9 մեղադրյալները մեղավոր են ճանաչվել «սահմանադրական կարգը խախտելու», «կանխամտածված սպանության» եւ «սպանության փորձի» համար:
Ահաբեկչության իրականացման համար մեղադրյալներից յուրաքանչյուրը 101 ցմահ ազատազրկման է դատապարտվել, ինչպես նաեւ 10.5 հազար տարվա բանտարկության՝ սպանության փորձի համար: