Օգոստոսի 7-ից ԵՄ-ն իր տարածքում արգելափակում է Իրանի դեմ ԱՄՆ պատժամիջոցների գործողությունը՝ եվրոպական ընկերություններին պաշտպանելու համար: Այս մասին հայտնել են Եվրահանձնաժողովից, փոխանցում է ՏԱՍՍ-ը:
ԵՄ-ն խորապես ափսոսում է իրանական միջուկային համաձայնագրից Վաշինգթոնի դուրս գալուց հետո Իրանի դեմ ԱՄՆ պատժամիջոցների վերականգնման համար: Այս մասին նշված է երկուշաբթի Բրյուսելում տարածված ԵՄ ԱԳ ու անվտանգության քաղաքականության հարցերով բարձրագույն հանձնակատար Ֆեդերիկա Մոգերինիի եւ ՄԱԿ միջնորդների «վեցյակի» մեջ մտնող ԵՄ 3 երկրների՝ Ֆրանսիայի, Մեծ Բրիտանիայի եւ Գերմանիայի ԱԳ նախարարների համատեղ հայտարարության մեջ:
«Մենք խորապես ափսոսում ենք ԱՄՆ պատժամիջոցների գործողության վերականգնման համար Իրանի հարցով Գործողությունների համատեղ համապարփակ պլանի համաձայնագրից դուրս գալու նրա որոշումից հետո»,- նշված է հայտարարության մեջ: Նախարարները շեշտել են, որ ԳՀՀՊ-ն «գործում է եւ իր խնդիրները կատարում՝ ապահովելով իրանական միջուկային ծրագրի խաղաղ բնույթը»:
