Գերմանական Daimler ավտոմոբիլային կոնցեռնը, որին են պատկանում է Mercedes-Benz, Smart եւ այլ ապրանքանիշեր, հրաժարվել է ընդլայնել իր բիզնեսն Իրանում՝ ԱՄՆ-ի կողմից սահմանված նոր պատժամիջոցների ֆոնին, հաղորդում է «ՌԲԿ»-ն՝ վկայակոչելով Reuters-ը:
«Մենք արդեն դադարեցրել ենք մեր սահմանափակ գործողություններն Իրանում՝ կիրառվող պատժամիջոցների համաձայն»,- վստահեցրել են ընկերությունում:
2016 թվականի սկզբին Daimler-ը իրանական Iran Khodro Co-ի հետ միասին նախնական պայմանավորվածություն էր ձեռք բերել իրանական շուկայում Mercedes-Benz բեռնատարների արտադրության եւ իրացման համատեղ ձեռնարկության ստեղծման վերաբերյալ: Գերմանական կոնցեռնը նախատեսում էր իր ներկայացուցչությունը բացել Թեհրանում: Սակայն այն դեռ չէր սկսել ո՛չ բեռնատար, ո՛չ մարդատար ավտոմեքենաների արտադրությունն ու վաճառքն Իրանում: