Հայաստանում տեղակայված Հարավային ռազմական շրջանի ռուսական ռազմական բազայի հրդեհային հաշվարկները, Հայաստանի Արտակարգ իրավիճակների նախարարության հրդեհային հաշվարկների հետ համատեղ Գյումրիում իրականացրել են մարտավարական հակահրդեհային զորավարժություններ՝ տեխնիկան մարելու վերաբերյալ: Այս մասին հայտնում է Հարավային ռազմական շրջանի մամուլի ծառայությունը:
Զորավարժությունների ժամանակ մշակվել է ստորաբաժանումների փոխգործակցության կարգը ավտոմոբիլային տեխնիկայի պայմանական հրդեհման եւ ոչնչացման ժամանակ: Գործնական միջոցառումների մշակման ընթացքում ստորաբաժանումների զինծառայողները, ինչպես նաեւ ԱԻՆ-ի հրշեջները հրդեհների բռնկման օջախների հայտնաբերման, ծանուցման, հրդեհների հետեւանքով մարդկանց եւ սարքավորումների տարհանման աշխատանքներ են կատարել:
Անդրկովկասում հատուկ մարտավարական հակահրդեհային զորավարժություններին ներգրավվել են ավելի քան 100 զինծառայողներ եւ երկու երկրների ռազմական եւ հատուկ հրդեհային հաշվարկների 20 միավոր:
