Ferrari ընկերությունը ցուցադրել է իր նոր սուպերքարի պատկերը, որի դեբյուտը տեղի կունենա սեպտեմբերի կեսերին կայանալիք հատուկ միջոցառմանը: Ըստ լուրերի՝ F176 ներգործարանային ցուցիչով սպիդսթերը կառուցվել է 812 Superfast մոդելի հիման վրա եւ կստանա 812 Monza պաշտոնական անվանումը, փոխանցում է Motor-ը:
Ոճային առումով Ferrari 812 Monza-ն կկրկնի 2000 թվականին ներկայացված Ferrari Rossa կոնցեպտ քարը: Մեքենայի դիզայնը նախագծված է Pininfarina ատելյեում եւ ոգեշնչված է լեգենդար 250 Testa Rossa-ով: Ավտոմեքենայի առանձնահատկությունների շարքում է ցածր դիմապակին եւ անվտանգության ռելյեֆային աղեղները:
Ուժային կարգավորման մասին տեղեկություններ չեն հաղորդվում: Սովորական 812 Superfast-ը հագեցվում է V12 6,5 լ. մթնոլորտային շարժիչով՝ 800 ձիաուժ հզորությամբ: Երկդռնանի ավտոմեքենայի առավելագույն արագությունը ժամում 340 կիլոմետր է կազմում:
