Ձերբակալվել է «ԲելաՊԱՆ» գործակալության գլխավոր խմբագիր Իրինա Լեւշինա, հայտնել են «ԲԵԼՏԱ»-ին Քննչական կոմիտեում: «ՍԿ»-ում պարզաբանել են, որ Իրինա Լեւշինան ձերբակալվել է համակարգչային տեղեկատվությանը չարտոնված մուտքի վերաբերյալ քրեական գործով: «Նրա նկատմամբ քննչական գործողոթյուններ են իրականացվում»,- նշել են ՔԿ-ում, փոխանցում է «Բելտա»-ն:
Բելառուսական ՔԿ-ն օգոստոսի 7-ին տարբեր պարբերականների լրագրողներին մեղադրել էր «ԲԵԼՏԱ» լրատվական գործակալության վճարովի լրահոս անօրինական ճանապարհով մուտք գործելու համար:
Վերջին օրերին ՔԿ էր բերվել 16 բելառուս լրագրող, որոնցից 8-ը հարցաքննություններից հետո ազատ է արձակվել, մնացածը ձերբակալվել են: Բացի Լեւշինային, «ԲելաՊԱՆ»-ի աշխատակիցներից ավելի վաղ ձերբակալվել էր լրագրող Տատյանա Կորովենկովան: