Ապարան-Քուչակ ավտոճանապարհին այսօր՝ օգոստոսի 13-ին, վթար է տեղի ունեցել, ինչի հետեւանքով կան վիրավորներ:
ԱԻՆ մամուլի ծառայությունից հայտնում են, որ ժամը 17.08-ին «911» ծառայությանն ահազանգ է ստացվել, որ Ապարան-Քուչակ ավտոճանապարհի 6-րդ կմ-ին տեղի է ունեցել ՃՏՊ. կան տուժածներ, անհրաժեշտ է օգնություն:
Պարզվել է, որ Ապարան-Քուչակ ավտոճանապարհի 6-րդ կմ-ին «Mitsubishi» մակնիշի ավտոմեքենան (վարորդը՝ Գ. Հ., ծնված 1985թ.) դուրս է եկել ավտոճանապարհի երթեւեկելի հատվածից, շրջվել եւ հայտնվել ձորակում:
Մինչ փրկարարների կանչի վայր հասնելը՝ վարորդը եւ ուղեւոր Մ. Հ.-ը (2002 թ.) տեղափոխվել են Ապարանի ԲԿ, մյուս ուղեւոր Ն. Մ.-ը տեղափոխվել է «Արմենիա» ՀԲԿ: Բժիշկները վարորդի եւ Մ.Հ.-ի առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենան եւ ավտոմեքենայից դուրս բերել մյուս ուղեւոր Ա. Հ.-ին (1976թ.), ով տեղափոխվել է Ապարանի ԲԿ, որտեղ բժիշկները նրա առողջական վիճակը գնահատել են միջին ծանրության: