Օգոստոսի 18-ին ՌԴ նախագահ Վլադիմիր Պուտինը մտադիր է մասնակցել Ավստրիայի արտաքին գործերի նախարար Կարին Քնայսլի հարսանիքին, հաղորդում է «ՌԻԱ Նովոստի» գործակալությունը՝ վկայակոչելով պետության ղեկավարի մամուլի քարտուղար Դմիտրի Պեսկովին:
ՌԴ նախագահի օգնական Յուրի Ուշակովն իր կողմից պարզաբանել է, որ Քնայսլը Պուտինին հրավիրել է իր հարսանիքին, երբ նա հունիսի սկզբին այցով գտնվում էր Վիեննայում, իսկ այժմ Բեռլին նախատեսված այցի կապակցությամբ Ռուսաստանի ղեկավարի մոտ նման հնարավորություն է ստեղծվել: «Մենք կայցելենք եւ կշնորհավորենք»,- ասել է Ուշակովը:
Ըստ Kronen Zeitung թերթի՝ Կարին Քնայսլի եւ Վոլֆգանգ Մայլինգերի հարսանեկան արարողությունը տեղի կունենա Շտիրիա դաշնային հողի հարավում գտնվող գինեգործական տնտեսությունում: Ինչպես տեղեկացրել են թերթի աղբյուրները, անվտանգության ապահովման համար ներգրավվել է «Կոբրան» հատուկ ստորաբաժանումը:
Շաբաթ օրը՝ օգոստոսի 18-ին, ՌԴ նախագահը կայցելի Բեռլին, որտեղ կհանդիպի Գերմանիայի կանցլեր Անգելա Մերկելի հետ:
