Tesla բարձրտեխնոլոգիական ընկերության հիմնադիր Իլոն Մասկը գանգատվել է գերհոգնածությունից, փոխանցում է «ՌԻԱ Նովոստի»-ն:
New York Times պարբերականի հետ հարցազրույցում Մասկը հայտարարել է, որ վերջին շրջանում շաբաթական 120 ժամ է աշխատել, եւ 7 օրից ավելի արձակուրդ չի վերցրել 2001 թվականից սկսած, երբ ստիպված էր երկարատեւ արձակուրդ վերցնել, քանի որ մալարիայով էր հիվանդացել:
«Պատահել է, որ ֆաբրիկայից չեմ հեռացել 3-4 օր անընդմեջ, այդ ժամանակ ես դուրս չէի գալիս»,- պարբերականին ասել է Մասկը: Պարբերականը նշում է, որ զրույցի ընթացքում ձեռնարկատերը մերթ ծիծաղում էր, մերթ սկսում արտասվել:
Մասկի խոսքով՝ երբ հունիսի 28-ին 47 տարեկան է դարձել, 24 ժամ աշխատավայրում է անցկացրել: «Ամբողջ գիշեր ո՛չ ընկերներ կային, ո՛չ որեւէ բան»,- ասել է նա՝ բառերը դժվարությամբ արտաբերելով:
