News
Լրահոս
News
Շաբաթ
Սեպտեմբեր 22
Տեսնել լրահոսը

«Ժառանգություն» կուսակցության վարչությունն այսօր՝ օգոստոսի 20-ին կհրավիրի լիագումար նիստ, որի ընթացքում կորոշվի, թե ով է գլխավորելու Երեւանի ավագանու ընտրություններում կուսակցության ցուցակը։ Այս մասին այսօր՝ օգոստոսի 20-ին մամուլի ասուլիսի ժամանակ հայտարարեց «Ժառանգություն» կուսակցության հիմնադիր Րաֆֆի Հովհաննիսյանը։

Պատասխանելով ընտրություններում ցուցակի առաջին հորիզոնականում կուսակցության հնարավոր թեկնածուների մասին հարցին՝ նա նշեց, որ քննարկվում է Արմեն Մարտիրոսյանի, իր եւ վարչությունից դուրս գտնվող անձի թեկնածությունը։

Արձագանքելով հարցին, թե իրենց կուսակցությունը Երեւանի ավագանու ընտրություններում լինելո՞ւ է ընդդիմադիր, թե՞ իշխանամետ՝ Րաֆֆի Հովհաննիսյանը նշեց, որ իրենք ինչ–որ առումով գտնվում են ինքնության անցումային «բարդույթի» մեջ. «Երկար տարիներ մենք եղել ենք ընդդիմություն, հիմա ո՛չ կառավարությունում ենք, ո՛չ էլ ընդդիմադիր ենք»։

Նա շեշտեց միասնական ցուցակների անհրաժեշտությունը. «Մենք անցյալ շաբաթ հայտարարեցինք, որ մասնակցում ենք Երեւանի ավագանու ընտրություններին, մինչեւ այսօր ժամանակ տվեցինք եւ հույս տածեցինք, որ միասնական ցուցակի մեր առաջարկը իրականություն կդառնա, բայց, ավաղ, հարգելի պատճառով, սակայն մեր կարծիքով սխալ մոտեցմամբ այն չիրականացվեց, սակայն հեղափոխության միասնական ցուցակը գոնե այս ընտրություններին պիտի վերածվի միջկուսակցական, բազմակուսակցական մրցակցության տարբեր ցուցակների»,–հայտարարեց նա։

Րաֆֆի Հովհաննիսյանի խոսքով՝ չի բացառվում, որ «մինչեւ արտահերթ ընտրություններ մենք կկարողանանք ավելի հեռահար մտածել, բայց ներկա դրությամբ սա է իրականությունը», ապա հույս հայտնեց, որ վերջապես կհաջողվի ազատ եւ արդար ընտրություններ անցկացնել, առանց վարչական ռեսուրսի կիրառման։

«Ժառանգություն» կուսակցությունն ամեն ինչ անելու է, որ տակավին անկատար մեր ազգային հեղափոխությունը ամբողջանա»,–եզրափակեց նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ուրիշ Հայաստան. մերժված հնի եւ չստեղծվող նորի միջեւ. «Մերժիր Սերժինը» սահուն վերածվում է «Մերժիր բոլորին»
Մենք արդեն մի որոշ ժամանակ է՝ ապրում ենք ուրիշ Հայաստանում. հինը մերժել ենք, նորը չենք ստեղծում...
Փաշինյանն ամենախարիզմատիկ լիդերն է, իսկ Սամվել Ալեքսանյանը՝ մրցակիցը չունեցող կազմակերպիչը. Հովհաննես Մանուկյան
Այդ փաստը չի հարցնում ոչ ոքի համաձայնությունը…
Փաշինյանի համար իր լոկալ քաղաքական շահերը շատ ավելի կարեւոր են, քան ՀՀ արտաքին քաղաքականությունը. Աշոտյան
Ափսոս, որ Թրամփի հետ պաշոտնական հանդիպումը այդպես էլ չի ստացվում...
Փաշինյանի բոլոր հանրահավաքները կիսով չափ նվիրված են ինձ. Քոչարյան
«Որքան ես հասկանում եմ, նրան մտահոգում են իմ նախագահության ժամանակ ձեռք բերված արդյունքները: Եվ հասարակության զգալի մասը...
Քոչարյան. Փաշինյանը կարող է երկնաքար կամ գիսաստղ լինել, որը շատ արագ այրվում է
Հարցին՝ արդյոք վարչապետ նիկոլ Փաշինյանը նման արեւ է, Քոչարյանն ասել է, որ նրան չէր համեմատի արեւի հետ...
Հակահեղափոխության սպառնալիքով մինչեւ գարուն ինչ-որ կերպ կարող են ձգել, ոչ ավելին. Ստեփան Դանիելյան
Նիկոլը ճիշտ պահին ճիշտ տեղում էր հայտնվել ու դրսեւորեց անհրաժեշտ վճռականություն ու համառություն: Հիմա իրավիճակ է փոխվել...
Ամենաշատ
Partner news