Էտալոնային ապրանքանիշների նավթի գներն աճում են ԱՄՆ-ում ածխաջրածնային պաշարների կրճատման եւ դոլարի փոխարժեքի թուլացման վերաբերյալ տվյալների աճուրդների ընթացքում:
Brent-ի հոկտեմբերյան ֆյուչերսների գները ICE Futures լոնդոնյան ֆոնդային բորսայում ավելացել են 0,29 դոլարով (0.4 տոկոս)` մինչեւ 72,92 դոլար մեկ բարելի դիմաց: Նախօրեին պայմանագրերը թանկացել էին 0.42 դոլարով (0.58 տոկոս)՝ մինչեւ 72.63 դոլար մեկ բարելի դիմաց, հաղորդում է «Ինտերֆաքս»-ը:
WTI-ի հոկտեմբերյան ֆյուչերսների արժեքը Նյու-Յորքի NYMEХ (New York Merchantile Exchange) բորսայում աճել է 0.33 դոլարով՝ մինչեւ 66.17 դոլար մեկ բարելի դիմաց:
Ինչպես հաղորդում են ԶԼՄ-ները՝ վկայակոչելով Ամերիկյան նավթային ինստիտուտի (API) տվյալները, կազմակերպությունն անցյալ շաբաթ ԱՄՆ-ում նավթի պաշարների 5.17 մլն բարելի անկում է գրանցել: Նրանք հավաքում են տվյալները կամավոր հիմունքներով:
ԱՄՆ էներգետիկայի նախարարության պաշտոնական զեկույցը կհրապարակվի չորեքշաբթի ժամը 18:30-ին, փորձագետները միջինում կանխատեսում են, որ այն 2 մլն բարելի նվազում կնշի:
