Ադրբեջանի պետական անվտանգության ծառայությունը հատուկ գործողություն է իրականացրել, որի ընթացքում ոչնչացվել է արմատական ծայրահեղական խմբավորման անդամ։ Նա ահաբեկչություն է պլանավորել անցկացնել երկրի հյուսիսային շրջաններում։ Այս մասին հայտնել են Պետական անվտանգության ծառայության հասարակայնության հետ կապերի կենտրոնից, փոխանցում են ադրբեջանական լրատվամիջոցները։
Տեղեկությունն այն մասին, որ Նիզամի Նաջաֆովը զենք եւ պայթուցիկ նյութեր է ձեռք բերել, հաստատվել է հետաքննության ժամանակ, որից հետո Պետական անվտանգության ծառայությունը եւ դատախազությունը անցել են անհետաձգելի միջոցառումների։ Գործողության ընթացքում, ի պատասխան զենքը վայր դնելու իրավապահների պահանջին, զինյալը կրակ է բացել ինքնաձիգից։ Նա ոչնչացվել է իրավապահների պատասխան կրակի արդյունքում։