Սերբիան եւ Կոսովոն իրական հնարավորություն ունեն կնքելու գլոբալ եւ իրավաբանորեն պարտավորեցնող համաձայնագիր: Այս մասին հայտարարել է ԵՄ դիվանագիտության ղեկավար Ֆեդերիկա Մոգերինին, փոխանցում է «ՌԻԱ Նովոստի»-ն:
«Սերբիայի եւ ինքնահռչակ Կոսովոյի նախագահներ Ալեքսանդր Վուչիչը եւ Խաշիմ Տաչին իրական հնարավորություն ունեն կնքելու համակողմանի եւ իրավաբանական համաձայնագիր, որը հաշվի կառնի կողմերի խնդիրները եւ թույլ կտա ապահովել հարաբերությունների կարգավորումը»,- ասել է նա՝ ելույթ ունենալով ԵՄ երկրների դեսպանների համաժողովում:
Ավելի վաղ Մոգերինին հայտնել էր, թե ԵՄ-ն հույս ունի, որ Սերբիա-Կոսովո համաձայնագիրը կկնքվի 2019-ի մայիսին:
Սերբիայի նախագահի եւ Կոսովոյի ղեկավարի հերթական հանդիպումը նախատեսված է սեպտեմբերի 7-ին Բրյուսելում:
Տաչին ավելի վաղ հայտարարել էր, որ Բելգրադի հետ բանակցություններում մտադիր է առաջարկել միավորել կենտրոնական Սերբիայի ալբանացիներով բնակեցված հարավային շրջանները, հունուն որի պատրաստ է փոխել Կոսովոյի սահմանադրությունը: Վուչիչն իր հերթին նշել էր, որ հանդես է գալիս Կոսովոյի եւ Մետոխիայի տարածքում ալբանացիների հետ սահմանագծման օգտին՝ հետագայում կոնֆլիկտներից խուսափելու համար: Սակայն ավելի ուշ Կոսովոյի իշխանությունները որոշել էին Սերբիայի հետ տարածքների փոխանակումը չքննարկել Բրյուսելում նախատեսված բանակցություններում:
