Հիմնական խնդիրը, որն ամենից շատ մտահոգում է Երեւանի բնակիչներին, քաղաքի մաքրությունն է: Այս մասին սեպտեմբերի 14-ին լրագրողների հետ հանդիպման ժամանակ հայտարարեց «Երեւանի հանրություն» դաշինքից Երեւանի քաղաքապետի թեկնածու Անահիտ Թարխանյանը:
Նրա խոսքով, պարզ չէ, թե ինչպես է ստացվել, որ քաղաքն այսքան բարձիթողի վիճակում է հայտնվել: «Խնդիրը ոչ միայն թաղամասերի հարցում է: Մարդիկ ապրում են տներում, որտեղ մաքրության տեսանկյունից պարզապես սարսափելի վիճակ է: Առնետներն ուղղակի բազմացել են: Նրանք մեր ոտքերի տակ էին վազում», - բացատրեց Թարխանյանը:
Երկրորդ կարեւորագույն խնդիրը քաղաքացիների համար, ըստ թեկնածուի, սոցիալական խնդիրն է, քանի որ այս ոլորտում իրավիճակը չափազանց բարդ է, եւ երեւանցիները, ովքեր իրենց կյանքը նվիրել են Երեւանի զարգացմանը, ստիպված են մտածել իրենց ապագայի եւ գոյատեւելու մասին:
Հիշեցնենք, որ մայրաքաղաքի ավանագու խորհրդի ընտրությունները տեղի կունենան սեպտեմբերի 23-ին:
