Թուրքիան զգալիորեն դյուրացրել է օտարերկրացիների համար քաղաքացիության ձեռքբերումը, երկրի նախագահ Թայիփ Էրդողանի համապատասխան հրամանագիրը հրապարակվել է Resmi Gazete կառավարական տեղեկագրում, հաղորդում է «ՌԻԱ Նովոստին»:
Հրամանի համաձայն, քաղաքացիության ձեռքբերման համար նախատեսված կապիտալի ֆիքսված գումարը 2 միլիոնից նվազում է մինչեւ 500 հազար դոլար: Օտարերկրացիների քաղաքացիություն ստանալու համար անհրաժեշտ անշարժ գույքի նավազագույն արժեքը 1 մլն դոլարից կրճատվել է մինչեւ 250 հազար դոլար:
Փոփոխություններ են մտցվել նաեւ օտարերկրացու կողմից առնվազն 100 աշխատողներին աշխատատեղերով ապահովելու կետում. այժմ քաղաքացիության ձեռքբերման համար բավական է առնվազն 50 աշխատակիցներին աշխատանքով ապահովելը:
Դեպոզիտների գումարը, որը քաղաքացիության ստացման համար պետք է պահպանվի Թուրքիայի բանկերում, նույնպես նվազել է՝ 3 մլն-ից հասնելով մինչեւ 500 հազար դոլարի: