Վաշինգթոնը հույս ունի հաջորդ ամիս սկսել Պխենյանի հետ ուղիղ բանակցությունները՝ Հյուսիսային Կորեայում զոհված ամերիկյան զինծառայողների մարմինների վերգետնյա որոնումը վերսկսելու մասին։ Այդ մասին հայտարարել է ռազմագերիների հաշվառման պաշտպանական գործակալության ղեկավար Քելլի ՄաքՔեյգը՝ տեղեկացնում է AP-ն։
Նա նշել է, որ ԱՄՆ-ն ուզում է որոնումները վերսկսել եկող գարնանը, եթե համաձայնություն ձեռք բերվի այնպիսի վիճահարույց հարցերի շուրջ, ինչպիսին է ԿԺԴՀ-ին տրվելիք փոխհատուցումների տեսակները։
Խոսքը 1950-53թթ․ Կորեական պատերազմի ժամանակ զոհված ամերիկյան զինվորականների մասին է։