News
Լրահոս
News
Երեքշաբթի
Դեկտեմբեր 18
Տեսնել լրահոսը

«Փաստ» թերթը գրում է. «Արդեն չորս ամիս է՝ նախարարությունները փաստացի իրենց գործունեությանը զուգահեռ պարտադրված են ուսումնասիրել եւ բացահայտել իրենց ոլորտներում, նախարարություններում ու ՊՈԱԿ–ներում կոռուպցիոն սխեմաներն ու բացահայտումներ անել:

Արդյունքում, այս գործի վրա ծախսվում է մարդկային մեծաքանակ ռեսուրս ու էներգիա, ինչի հետեւանքով նախարարությունների բուն գործառույթները հաճախ տուժում են կամ իրականացվում գերմարդկային ճիգերի շնորհիվ:

Ավելին, այդ գործընթացը ոչ միայն բավական աշխատատար է, քանզի այդքան էլ հեշտ չէ միանգամից որեւէ փաստաթղթի նայելով՝ եզրակացություններ անել, այլեւ խիստ մասնագիտական ուսումնասիրության անհրաժեշտություն կա:

Հաշվի առնելով այդ բացահայտումների կարեւորությունը, մեր ունեցած տեղեկություններով, մի քանի նախարարներ դիմել են ՀՀ վարչապետ Նիկոլ Փաշինյանին՝ ստեղծել առանձին մարմին, ուր ներգրավված կլինեն տարբեր ոլորտների մասնագետներ, իրավաբաններ ու հատկապես ֆինանսիստներ:

Այս մարմինը կզբաղվի պետական կառույցներում կոռուպցիոն դրսեւորումների բացահայտմամբ. ընդ որում, խոսքը ոչ միայն նախկին ժամանակաշրջանի մասին է, այլեւ ապագա հնարավոր ռիսկերը ի հայտ բերելու եւ կանխելու:

Իսկ ահա նախարարություններն իրենց ռեսուրսներն ու ջանքերը կներդնեն իրենց հիմնական առաքելության իրականացման գործում: Թե ինչ որոշում է այս առումով կայացրել Նիկոլ Փաշինյանը, մեր աղբյուրները դեռեւս տեղյակ չեն»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Ժողովուրդ». ԱԺ նախկին պատգամավոր Լևոն Սարգսյանը հայտնվել է ՀԾԿՀ-ի տեսադաշտում
Նրա ղեկավարած ընկերությունն ավելի քան 1.3 մլն դրամ պարտք է պետբյուջեին...
«Ժամանակ». Սամվել Բաբայանը մտադիր է 2020թ մասնակցել Արցախի նախագահի ընտրություն­ներին. Նա դիմել է Վանեցյանին
Մինչդեռ վերջին տարիներին Բաբայանը գտնվել է կա՛մ Ռուսաստանում, կա´մ Հայաստանում՝ ազատության մեջ կամ կալանավայրում...
«Ժամանակ». Նոր ԱԺ-ի առաջին նիստը կանցկացվի հունվարի 14-ին. դերաբաշխման հարցեր կան
Ի սկզբանե որոշված է եղել նիստը հրավիրել հունվարի 7-ին, բայց քանի որ այդ օրը ոչ աշխատանքային է...
«Հրապարակ». Կարեն Կարապետյանը ՀՀԿ-ից դուրս գալու դիմում է գրել. նա համարում է, որ իր հանդեպ վատ են վարվել
Կարապետյանից բացի նրա հետ ՀՀԿ-ն կլքեն նաեւ այն 7 հազար «գազավիկները», որոնք կուսակցական էին դարձել...
«Իրատես». Նիկոլի իշխանափոխության պլանը շատ վաղուց էր գծված
Փաստորեն, կայացավ այն, ինչի մասին կոդերով խոսել էր մեծ քուրմ...
«Ժամանակ». «Իմ քայլը» դաշինքի ներսում նոր պայքար է սկսվել. նախկին նախարարները մեծ ախորժակ ունեն
ՔՊ վերնախավի այլ ներկայացուցիչներ էլ համարում են, որ եթե այդ մարդիկ առանձնապես ոչնչով աչքի չեն ընկել...
Partner news