Թուրքիայում իսլամական քարոզիչ Ֆեթուլա Գուլենի հետ կապ ունենալու կասկածանքով ավելի քան 80 զինվորական է կալանավորվել:
Anadolu-ն հաղորդում է, որ կալանավորումները սկսվել են այն բանից հետո, երբ Անկարայի դատախազությունը 110 զինվորին կալանավորելու կարգադրագիր է տվել:
Կալանավորվածների թվում երեք գնդապետ, երկու փոխգնդապետ, լեյտենանտներ եւ սերժանտներ կան, ինչպես նաեւ ռազմական օդաչու: Նշվում է, որ դրանք Գյուլենի «գաղտնի իմամներն» էին:
2016 թվականի հուլիսին հեղաշրջման փորձից հետո, ինչում թուրքական իշխանությունները Գյուլենին մեղադրեցին, Թուրքիայում ճնշումների ալիքը սկսվեց: Ավելի քան 100 հազար քաղաքացիական ծառայողներ, ուսուցիչներ եւ լրագրողներ հեռացվեցին աշխատանքից, շուրջ 50.000 մարդ ձերբակալվեց Գյուլենի հետ կապեր ունենալու կասկածանքով: Ընդ որում ճնշումները շարունակվում են մինչ այսօր: Գյուլենը, ով ապրում է ԱՄՆ-ում, հերքում է մեղադրանքները:
