News
Լրահոս
News
Երեքշաբթի
Մարտ 19
Տեսնել լրահոսը

ՀՀ գյուղատնտեսության նախարար Արթուր Խաչատրյանը սեպտեմբերի 20-ին ընդունել է Ավստրիայի արտաքին գործերի նախարարության Զարգացման համագործակցության ղեկավար Դորոթեա Աուերին եւ Ավստրիայի Հանրապետության դեսպանության տեխնիկական համագործակցության գրասենյակի ղեկավար Գերհարդ Շաումբերգերին, ինչպես նաեւ ավստրիական մի շարք հեղինակավոր լրատվամիջոցների ներկայացուցիչների: Այցի նպատակն էր ավստրիացի ընթերցողներին ներկայացնել Հայաստանի եւ Ավստրիայի միջեւ ձեւավորված սերտ համագործակցության արդյունքները, մասնավորապես գյուղատնտեսության ոլորտում:  Ողջունելով հյուրերին` նախարար Արթուր Խաչատրյանը բարձր է գնահատել Ավստրիայի զարգացման գործակալության կողմից Հայաստանի գյուղատնտեսության ոլորտի զարգացմանն ուղղված տարբեր ծրագրերի շրջանակում ցուցաբերվող աջակցությունը: Նախարարը հույս է հայտնել, որ այսուհետ եւս հայ-ավստրիական հարաբերությունները ագրարային ոլորտում  կշարունակեն ընդլայնվել` ընդգծելով, որ ավստրիական փորձը ոլորտի մի շարք ուղղություններում հայկական կողմի համար շատ կարեւոր է եւ օգտակար:

Այնուհետեւ Արթուր Խաչատրյանը համառոտ ներկայացրել է գյուղատնտեսության ոլորտում ՀՀ կառավարության առաջնահերթությունները, առկա խնդիրներն ու մարտահրավերները: Այս համատեքստում նախարարը հատկապես կարեւորել է չմշակվող հողատարածքների ծավալների նվազեցումն ու հողերի խոշորացման, բարձրարժեք գյուղատնտեսության խթանումը, ինտենսիվ այգիների հիմնումը, ոռոգման եւ հակակարկտային ժամանակակից համակարգերի ներդրման անհրաժեշտությունը, օրգանական գյուղատնտեսության զարգացումը, արտահանման շուկաների դիվերսիֆիկացումը, ինչպես նաեւ խորհրդատվական ծառայությունների բարելավումը:

Հյուրերի խնդրանքով նախարարն անդրադարձել է նաեւ պետական աջակցության ծրագրերին, գյուղատնտեսության պետական սուբսիդավորման ուղղություններին ու պայմաններին:

Պատասխանելով երկրի սահմանամերձ համայնքների ֆերմերներին ցուցաբերվող աջակցության վերաբերյալ հարցին` նախարար Արթուր Խաչատրյանը նշել է, որ վերջերս կառավարության նիստում ընդունվել է որոշում սոցիալական աջակցություն ստացող սահմանամերձ 37 բնակավայրերի հողօգտագործողներին փաստացի կատարված աշնանացան հացահատիկային մշակաբույսերի ցանքատարածությունների համար պետական աջակցություն հատկացնելու վերաբերյալ։

Գյուղատնտեսության ոլորտում Սփյուռքի ներուժի օգտագործման վերաբերյալ հարցին ի պատասխան նախարարը նշեց, որ նկատելի է հետաքրքրության աճ  սփյուռքի գործարարների կողմից ներդրումներ կատարելու ոլորտում՝ ընդգծելով, որ արդեն կան սփյուռքահայերի կողմից հիմնված բազմաթիվ կայացած գյուղացիական տնտեսություններ։ Նա առանձնահատուկ նշեց, որ գյուղատնտեսության նորանշանակ փոխնախարար Արտակ Քամալյանը, ով երկար տարիներ մասնագիտացել է գյուղատնտեսության ոլորտում, վերադարձել է հայրենիք` իր նպաստը բերելու տնտեսության այդ կարեւոր ոլորտի զարգացման գործին:

Հանդիպման ընթացքում անդրադարձ է կատարվել նաեւ Հայաստանի գյուղատնտեսության ոլորտում կանանց ներգրավվածության աստիճանին, հայկական գյուղմթերքի արտահանման շուկաների ընդլայնմանը, գյուղատնտեսության ոլորտի ներդրումային գրավչության բարձրացմանը եւ մի շարք այլ հարցերի:

Տպել
Կարդացեք նաև
Ամբողջը
ՀՀ-ում կզրկեն արտասահմանում կազմակերպված ինտերնետ տոտալիզատորներին մասնակցելու հնարավորությունից
Պետք է արգելվի արտասահմանում կազմակերպված ինտերնետ տոտալիզատորներին մասնակցելու հնարավորությունը...
ՀՀ իշխանությունները հրաժարվել են մասնավորեցնել Վրաստանի սահմանին մոտ գտնվող օդանավակայանը
Ստեփանավանի մոտ գտնվող օդանավակայանը հանվել է մասնավորեցման ենթակա գույքի ցուցակից...
Նախատեսվում է պետական տուրք մտցնել քաղավիացիայի շրջանակում մատուցվող ծառայությունների 13 տեսակների համար
Պետական տուրք մատուցվող ծառայությունների համար...
ՊԵԿ-ը 10 միլիոն դրամով տուգանել է «Երևան Սիթի»-ին
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Ամենաշատ