Մի քանի ռուսական բանկերի նախկին սեփականատեր Մատվեյ Ուրինն ազատ է արձակվել գաղութից: Նա դատապարտվել էր խարդախության եւ գործարար Յորրիտ Ֆաասենին ծեծելու համար, որին ԶԼՄ-ներն անվանում էին Վլադիմիր Պուտինի փեսա, հաղորդում է BBC-ն:
Ուրինի ազատման մասին հայտնել է ՆԳՆ-ում աղբյուրը եւ Ուրինի շրջապատի մարդիկ:
Նրա նախկին փաստաբան Գենաձի Շիլոն հաստատել է, որ բանկիրն ազատ է արձակվել: Նրա խոսքով, Ուրինի ժամկետը վերահաշվել են: Հուլիսին Պուտինը օրենք է ստորագրել, որը կրճատում է գաղութներում պատժի կրման ժամկետները մեկուսարանում դատապարտյալի անցկացված ժամանակի հաշվին:
«Նրան շինծու գործով 8.5 տարի են տվել: Գործը սարքել է ամենահզոր մարդը: 7 տարի նա նստել է, - ասել է Շիլոն: Ես ենթադրում եմ, որ նա չի մնա մեր երկրում, քանի որ կորցրել է երիտասարդ կյանքից 7 տարի միայն նրա համար, որ նրա թիկնազորը կանգնեցրել է խուլիգան մրցարշավորդին»:
Օգոստոսին Տամբովի մարզի Ռասկազովսկի շրջանային դատարանը բավարարեց բանկիրի ժամկետը կրճատելու միջնորդությունը, իսկ սեպտեմբերի 6-ին մարզային դատարանն այն ուժի մեջ թողեց:
Ուրինը ձերբակավեց 2010-ի վերջին: Սկզբում նրան մեղադրում էին Նիդերլանդների քաղաքացի Յորրիտ Ֆաասենին ծեծելու համար: ԶԼՄ-ները Ֆաասենին անվանում էին Վլադիմիր Պուտինի դստեր ամուսին: Այդ մասին մասնավորապես գրել էր Reuters գործակալությունը եւ ռուսական The New Times ամսագիրը: