Իրանի ԱԳՆ-ն կանչել է Մեծ Բրիտանիայի, Դանիայի եւ Նիդեռլանդների ներկայացուցիչներին՝ կապված Ահվազում զորահանդեսի ժամանակ ահաբեկչական հարձակման հետ, որի հետեւանքով զոհվել էր առնվազն 29 մարդ: Այս մասին հայտնում է IRNA գործակալությունը՝ վկայակոչելով Իրանի ԱԳՆ պաշտոնական ներկայացուցիչ Բահրամ Ղասեմիին:
«Անընդունելի է, որ Եվրամիության կողմից այս խմբերը չեն մտցվում ահաբեկչական կազմակերպությունների ցանկի մեջ այնքան ժամանակ, մինչեւ որեւէ ահաբեկչական հարձակում կիրականացնեն Եվրոպայում»,- ասել է Ղասեմին:
IRNA-ի տեղեկություններով՝ Դանիայի, Նիդեռլանդների եւ Մեծ Բրիտանիայի դիվանագետները ափսոսանք են հայտնել Ահվազում հարձակման հետ կապված եւ նշել են, որ իրենց ներկայացրած երկրների ղեկավարությանը կտեղեկացնեն Իրանի արտգործնախարարության դիրքորոշման մասին:
