News
Լրահոս
News
Շաբաթ
Հոկտեմբեր 20
Տեսնել լրահոսը

Երեւանում չեխական արտադրության ֆիլմերը երբեք չեն ցուցադրվել. Հայ հանդիսատեսը սույն թվականի սեպտեմբերի 27-ից հոկտեմբերի 1-ը առաջին անգամ հնարավորություն կունենա ակնդրելու չեխական եւ չեխոսլովական կինոն Երեւանի Մոսկվա կինոթատրոնում։

Չեխական եւ չեխոսլովակ կինոյի օրերի կազմակերպման առիթը Չեխոսլովակիայի անկախության հռչակագրի 100-րդ տարեդարձն է։ Ֆիլմերի ընտրությունը պայմանավորված է հենց այս տարեդարձով, եւ դրանք ոչ միայն կինոարվեստի գլուխգործոցներ են, այլեւ պատմական այն իրադարձությունների վկայությունները, որոնց միջոցով Չեխոսլովակիան, իսկ հետագայում՝ Չեխիան, ստիպված են եղել անցնել։

Կինոյի օրերը կմեկնարկեն սեպտեմբերի 27-ին՝ «Մասարիկ» կենսագրական ֆիլմով՝ Յան Մասարիկի մասին, ով եղել է Արտաքին գործերի նախարար եւ Չեխոսլովակիայի առաջին նախագահի որդին։ 2016թ-ին թողարկված այս ֆիլմը, որ հաղթել է Չեխական կինոյի բազմաթիվ մրցանակներ՝ ամենատարբեր անվանակարգերում, նկարագրում է Յան Մասարիկի կյանքի երեք տարիները (1937-1939թթ.)՝ անհանգիստ պատմական ժամանակաշրջանի ֆոնին։ Մինչ նրա անձնական կյանքը հասարակության շրջանում շատերի զարմանքն էր հարուցում, Մասարիկը իր կյանքի ավելի ուշ շրջանում պայքարում է ֆաշիզմի եւ կոմունիզմի դեմ։ Երբ նա 1948թ. վախճանվեց, այդպես էլ չպարզվեց եւ մինչ օրս էլ անհայտ է՝ արդյոք նա ինքնասպանություն է գործել թե սպանվել է իր հակառակորդների կողմից։

Միջոցառմանը ցուցադրվող այս առաջին ֆիլմին կհաջորդեն մի շարք ֆիլմեր, որոնք, չնայած իրենց թողարկման տարեթվին, որեւէ կերպ չեն կորցրել իրենց որակն ու արդիականությունը։ 1937թ-ին նկարահանված «Սպիտակ հիվանդություն» ֆիլմը երեւակայական երկրի մասին է, որը հիշեցնում է նացիստական Գերմանիան, որտեղ անհայտ ծագմամբ հիվանդությունը կանգնեցնում է մի բժշկի, ով գիտի՝ ինչպես բուժել հիվանդությունը, մի բարդ երկընտրանքի առջեւ պե՞տք է արդյոք բուժել բոլոր հիվանդներին հավասարապես, երբ հզոր Մարշալը պատրաստվում է պատերազմի։ 1968թ-ի «Դիակներ հրկիզողը» ֆիլմը, կարելի է ասել, գտնվում է սեւ կատակերգության եւ սարսափի ժանրերի եզրագծին։ Երկրորդ համաշխարհային պատերազմի ժամանակ մի խելագար դիակներ հրկիզող հավատում է, որ հրկիզումը ազատում է աշխարհիկ տառապանքներից, եւ որոշում է այդպիսով փրկել աշխարհը։ 1970թ-ին նկարահանված «Ականջը» ֆիլմը ներկայացնում է 1950-ականները, երբ իրադարձությունների ընթացքը ստիպում է մի բարձրաստիճան պաշտոնյայի եւ իր կնոջը հավատալու, որ իրենց իսկ կառավարությունը հետեւում է իրենց։ 1996թ-ին արտադրված «Գողտրիկ անկյուն» ֆիլմը քաղցր ու թախծոտ կատակերգություն է, որը տեղի է ունենում Պրահյան գարնան տարեթվին՝ 1968թ-ին։ Մի ընտանիքում տեղի ունեցող իրադարձությունները եւ տարաձայնությունները ցույց են տալիս ազատության եւ կոմունիստական համոզմունքների միջեւ գոյություն ունեցող լարվածությունը՝ խորհրդային ուժերի՝ Չեխոսլովակիա ներխուժման նախօրեին։

Չեխիայի դեսպանատունը հրավիրում է բոլոր կինոդիտողներին ակնդրելու այս ֆիլմերը Մոսկվա կինոթատրոնում՝ անվճար։ Բացման ֆիլմը կցուցադրվի ժամը 19։00-ին, իսկ մյուս ֆիլմերը՝ 18։30-ին։ Բոլոր ֆիլմերից առաջ կցուցադրվի փոքրիկ վավերագրական տեսաֆիլմ՝ Չեխոսլովակիայի կազմավորման մասին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արլինգթոնի կինոփառատոնի բացումը` Հայոց ցեղասպանության մասին ֆիլմով
Սա Մոսեսյան կենտրոնի և ֆիլմի փառատոնի միջև առաջին համագործակցությունն է, որտեղ հպարտությամբ ներկայացվում է մրցանակակիր ֆիլմը` ի նշան Հայոց ցեղասպանության և Հայ համայնքի հանդեպ հարգանքի…
Արմեն Ջիգարխանյանին դարձյալ հոսպիտալացրել են
Նա արտիստի ախտորոշումը չի հստակեցրել՝ վկայակոչելով բժշկական գաղտնիքը…
«Սոսե» միջազգային կինոփառատոնն անդրադարձել է մոռացության մատնված ու լքված նախկին կինոթատրոններին
Դրան կհաջորդեն փառատոնային այլ ֆիլմերի ցուցադրություններ եւս...
Քենիայում մեկ շաբաթով հանել են լեսբուհիների մասին ֆիլմի ցուցադրման արգելքը, որ հնարավոր լինի այն «Օսկար»-ի ներկայացնել
«Ընկերուհի»-ն առաջին քենիական ֆիլմն է, որ ներկայացվել է Կանի կինոփառատոնին․․․
«Արեւ, սարեր եւ սեր». Միքայել Պողոսյանի նոր ֆիլմը նախարարությունը մերժել է ֆինանսավորել
5 կին, որոնցից մի քանիսը կինոոլորտի հետ որեւէ առնչություն չունի, որոշեցին, թե նախարարությունը որ ֆիլմերը պետք է ֆինանսավորի...
Սթիվեն Քինգն անվանել է պատմության մեջ լավագույն ֆիլմը
Նրա կարծիքով՝ դա Ֆրենսիս Ֆորդ Կոպոլայի «Կնքահայրը 2» ֆիլմն է…
Ամենաշատ
Partner news