ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը ողջունում է Մակեդոնիայի վերանվանման հարցով հանրաքվեում քվեարկությունը, փոխանցում է RT-ն:
«Ես ողջունում եմ հանրաքվեում «կողմ» քվեարկությունը: Բոլոր քաղաքական առաջնորդներին եւ կուսակցություններին խնդրում եմ կառուցողականորեն գործել՝ այս պատմական հնարավորությունից օգտվելու համար: ՆԱՏՕ-ի դռները բաց են, սակայն ազգային բոլոր ընթացակարգերը պետք է ավարտվեն»,- գրել է նա իր Twitter-ում:
Ավելի վաղ Մակեդոնիայի վարչապետ Զորան Զաեւը խորհրդարանին կոչ էր արել «ճանաչել մեծամասնության կամքը», երբ քվեարկողների «90 տոկոսից ավելին» հանրաքվեում աջակցել է երկրի անվանափոխությանը: