«Սոյուզ ՄՍ-09» նավից փոշու մասնիկները կօգնեն պարզել կենցաղային հատվածում անցքի առաջացման պատճառը: Ինչպես հաղորդում է «Ինտերֆաքսը», վկայակոչելով Բայկոնուրի աղբյուրին, հինգշաբթի Երկիր վերադարձած «Սոյուզ ՄՍ-08» նավով առաքվել են համապատասխան նմուշները:
Նրա խոսքով առաքվել են փոշու ֆիլտրը եւ նմուշները, որոնք շաղափված անցքի հետաքննության շրջանակներում տիեզերագնացների կողմից վերցվել են «Սոյուզ ՄՍ-09» նավի կենցաղային հատվածից: Նրանք կօգնեն պարզել անցքի առաջացման հանգամանքները:
Օգոստոսի 30-ի գիշերը ՄՏԿ-ում հայտնաբերվել էր օդի արտահոսք: Անձնակազմը ստուգել է բոլոր խցիկները եւ «Սոյուզ» ՄՍ-09» տիեզերանավում անցք հայտնաբերել: Այն գտնվում էր կենցաղային մասում, եւ ոչ թե արձակման սարքում, հետեւաբար չի սպառնում տիեզերանավի վերադարձին Երկիր:
«Ռոսկոսմոս» պետական կորպորացիայի ղեկավար Դմիտրի Ռոգոզինը հայտարարել է, որ «Սոյուզ» ՄՍ-09 նավի կորպուսում անցքի առաջացման միակ տարբերակը մնում է դիտավորյալ ազդեցությունը, իսկ արտադրական թերության տարբերակը բացառվում է:
NASA-ում իրենց հերթին նշել են, որ «Ռոսկոսմոս»-ի եզրակացությունները «պարտադիր չեն նշանակում, որ անցքն արվել է դիտավորյալ կամ չար մտքով»:
