Վերջին տարիներին բազմաթիվ ռեսուրսներ են ուղղվել Հայաստանում տեղեկատվական տեխնոլոգիաների զարգացմանը, եւ ԱՄՆ-ն այս հարցում առաջատար դեր ուներ, քանի որ Հայաստանում ամերիկյան բազմաթիվ ՏՏ ընկերություններ կան։ Այս մասին ԱՄՆ դեսպան Ռիչարդ Միլսն ասաց Հայաստանում իր առաքելության ավարտի կապակցությամբ հրավիրած մամուլի ասուլիսում։
Նա ընդգծեց, որ միավորվել են այնպիսի ոլորտների ռեսուրսները, ինչպիսիք են զբոսաշրջությունը, լեռնային հանքարդյունաբերությունը, գինեգործությունը։ «Բնականաբար, արդյունքում Հայաստանն է որոշում, թե որ ոլորտներն է պետք զարգացնել, սակայն ես կոչ եմ անում ուշադրություն դարձնել բազմազան տնտեսության եւ շատ ոլորտներում կայունության վրա»,- ասաց նա։
Միլսն ընդգծեց Հայաստանում կրթության ոլորտի բարեփոխման անհրաժեշտությունը՝ ՏՏ ոլորտի զարգացման համար։ «Եվ դա ժամանակ կպահանջի»,- ասաց նա։