ԱՄՀ նոր կանխատեսումների համաձայն 2018 թվականին Հայաստանում գործազրկությունը 18.9 տոկոս մակարդակում կլինի, իսկ 2019 թվականին՝ մինչեւ 18.6 տոկոս: Կանխատեսումը ներկայացվում է ԱՄՀ-ի «Համաշխարհային տնտեսության զարգացման հեռանկարները» հոկտեմբերյան զեկույցում:
ԵՏՄ երկրներում ԱՄՀ-ի ընթացիկ եւ հաջորդ տարիների համար գործազրկության կանխատեսումը հետեւյալն է. Ռուսաստան՝ 5.5 տոկոս, 2019-ին՝ 5.3 տոկոս նվազեցմամբ, Բելառուս` 0.8 տոկոս, 2019 թվականին նույն ցուցանիշով, Ղազախստան` 5 տոկոս 2019 թվականին նույն ցուցանիշով, Ղրղըզստան` 7 տոկոս 2019 թվականին նույն ցուցանիշով:
Հայաստանի հարեւան երկրներում իրավիճակը հետեւյալն է. Ադրբեջան` 5 տոկոս, 2019 թվականին նույնպես նույն ցուցանիշը կպահպանվի, իսկ Վրաստանի վերաբերյալ կանխատեսում չի ներկայացվում:
Նշենք, որ Համաշխարհային բանկի կանխատեսումների համաձայն, Հայաստանում գործազրկության մակարդակը 2018 թվականին կկազմի 18.1 տոկոս: Համաշխարհային բանկը կանխատեսում է, որ 2018-ին աղքատության մակարդակը կարող է հասնել 38,2 տոկոսի, 2019-ին կրճատվելով մինչեւ 36,8 տոկոս, իսկ 3.2 դոլար գնողունակության համարժեքության հաշվարկով 2018-2019 թվականներին աղքատության մակարդակը կարող է 10.1 տոկոսից նվազել մինչեւ 9.1 տոկոս: