News
Լրահոս
News
Երկուշաբթի
Մարտ 18
Տեսնել լրահոսը

Հոկտեմբերի 11-ին ոստիկանության Անիի բաժնում տեղեկություններ ստացվեցին, որ նույն օրը, ժամը 16-ն անց 50-ի սահմաններում, Մարալիկ քաղաքի Շահինյան փողոցի մայթեզրին «Ադեկվադ» հաղորդաշարի հաղորդավարների, օպերատորի եւ մի խումբ անձանց միջեւ վիճաբանություն է եղել:

Նույն օրը, ժամը 17-ին, բաժին են հրավիրվել «Ադեկվադ» հաղորդաշարի վարողներն ու օպերատորը, որոնք տվել են հաղորդում այն մասին, որ Մարալիկ քաղաքի Հաղթանակի զբոսայգում, «Ադեկվադ» ֆեյսբուքյան վերլուծական հաղորդաշարի նկարահանումներ իրականացնելիս իրենց են մոտեցել մի խումբ անձինք, ովքեր պահանջել են, որ Մարալիկ քաղաքից շուտ հեռանան, եւ, որ 800 հոգի հավաքված իրենց սպասում են կենտրոնական հրապարակում, որպեսզի հաշվեհարդար տեսնեն նրանց նկատմամբ:

Վերջիններս նրանց ուղեկցելով հրապարակ՝ Հրանտ Շահինյան փողոցի թիվ 3 տան դիմացի ճանապարհի մայթեզրին քաշքշել եւ հայհոյել են՝ սպառնալով նրանց կյանքին եւ առողջությանը, իսկ տղամարդկանցից մեկը Մարալիկ քաղաքի Հաղթանակի զբոսայգում քաշքշել է օպերատորին, այնուհետեւ, մոտ 10 րոպե անց, կենտրոնական հրապարակ տանող ճանապարհի մայթեզրին փորձել է խլել վերջինիս տեսախցիկը, ինչի ընթացքում կոտրել է տեսախցիկի տակդիրը՝ պատճառելով նյութական վնաս:

Բացատրական աշխատանքի արդյունքում ոստիկանության բաժին են ներկայացել դեպքի մասնակից 5 քաղաքացիներ, որոնցից վերցվել են բացատրություններ:

Նշանակվել են փորձաքննություններ: Նախապատրաստվում են նյութեր:

Ավելի վաղ NEWS.am-ը հայտնել էր, որ Մարալիկում հոկտեմբերի 11-ին, մի խումբ քաղաքացիներ են հարձակվել «ԱդեկվաԴ» նախագծի հեղինակներ Նարեկ Մալյանի եւ Արթուր Դանիելյանի վրա: Վերջիններս հայտարարություն են տարածել, որտեղ ասվում է. «Այսօր Մարալիկում մի խումբ անձինք հարձակվեցին «ԱդեկվաԴ» նախագծի հեղինակներ Նարեկ Մալյանի եւ Արթուր Դանիելյանի վրա՝ անվանելով նրանց հակահեղափոխականներ, խոչընդոտեցին նրանց եթերը, վնասեցին գույքը:

Մի խումբ անձանց այս գործողությունները վտանգում են ժողովրդավարության արժեքները, ոտնահարում ազատ խոսքի, ազատ տեղաշարժի եւ ազատ կարծիքի իրավունքը: Նշենք, որ կազմակերպված այս հարձակումից հետո Նարեկ Մալյանը եւ Արթուր Դանիելյանը Մարալիկի ոստիկանությունում ներկայացրել են կատարվածը»:

Մարալիկում հարձակվել են «ԱդեկվաԴ» նախագծի հեղինակների վրա

Տպել
Կարդացեք նաև
Ամբողջը
Երեւանում աղավնատան տերը եռման ջուր է լցրել կատվի վրա
Երեւանում դաժանության հերթական անիմաստ դեպքն է գրանցվել...
Տղամարդը թմրամիջոցները ձեռք էր բերել 45-ամյա Անուշից. Վերջինիս բնակարանից եւս թմրանյութեր են գտել
Խուզարկություններով հայտնաբերվածը՝ թմրամիջոցներ․ ոստիկանության հերթական բացահայտումը…
Երիտասարդը ներբեռնել է աղջկա լուսանկարները եւ սպառնացել է սեռական հարաբերություններ չունենալու դեպքում հրապարակել
Հայկ Խ.-ն խոստովանել է կատարածը։ Բջջային հեռախոսը առգրավված է…
Շամլուղի նախկին գյուղապետը 2007-ից 2017 թթ. համայնքի բյուջեից հափշտակել է շուրջ 14 մլն դրամ
Ոստիկանները բացահայտել են Շամլուղ համայնքի նախկին ղեկավարի ապօրինությունները...
Երեկ օրում գրանցվել է 43 ավտովթար. զոհվել է 1, վիրավորվել՝ 62 մարդ
Ըստ ոստիկանության օպերատիվ հաղորդագրությունների ամփոփագրերի` մարտի 15-ից 18-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 112 դեպք...
Ավելի քան 90 հաստատության վնաս է հասցվել Փարիզում բողոքների ընթացքում
Առնվազն 91 հաստատություն նյութական վնաս է կրել բողոքի ցույցերի ժամանակ...