Թուրքիայի նախագահ Ռեջեփ Թայիփ Էրդողանը հանդես է եկել ԱՄՆ նախագահին ուղղված դիմումով, որում խոսել է թուրքական արդարադատության անկախության մասին՝ տեղեկացնում է RT-ն։ Դիմումի տեքստը նա հրապարակել է իր թվիթերյան էջում։
«Հարգելի նախագահ Թրամփ, ինչպես միշտ ընդգծել եմ, թուրքական դատարանն իր որոշումը կայացրել է անկախ կերպով։ Հուսով եմ՝ ԱՄՆ-ը եւ Թուրքիան կշարունակեն իրենց համագործակցությունն այնպես, ինչպես վայել է համախոհներին, եւ միասին կպայքարեն ահաբեկչական կազմակերպությունների դեմ»,- գրել է Էրդողանը։
Ավելի վաղ Թրամփը հայտնել էր, որ ամերիկյան կողմը պաստոր Էնդրյու Բրանսոնի ազատ արձակման համար Թուրքիայի հետ որեւէ գործարք չի կնքել։
